Nick Cannon-a'n ṭan a la

Midum kahhlum an ni leh ṭhin chu mi tam takin an duh lo a, chung zingah chuan Nick Cannon hi a thlen tawh loh nana ṭang nasa pawl a ni. Thawhṭanni khan Ohio-ah Black Lives Matter demonstration neih a ni a, hetah hian a huaitu pawl a ni.

America's Got Talent-a an host, Nick Cannon hian Republican National Convention an neih mekna hmun kawtah politician te nawr nan protest leh a tum. A thil tum chu politician te pawh hian chi leh chi inthliarna hi ngai thutak a, midum an kahhlum - Alton Sterling leh Philando Castile te police-in an kahhlumah pawh dikna tundin a nih ngei theih nan ram hruaitute nawr a ni.

Republican leh Democrats party-te a mawhchhiat hle a, "Heng party-te hian kan harsatna leh buaina hi engmah an sawi chhuak lo a, kan vote chauh an duh a ni," a ti. Republican National Convention hi vawiin thlenga neih tur a ni a, a tawp ni, vawiin hian Nick Cannon chuan protest hi buatsaih a tum a ni.