Nintendo-in Sony a lehpel

Pokemon Go game avangin Nintendo dinhmunin nasa takin a ṭhat phah a, Thawhlehnia market value chhut aṭang ringawt pawhin Nintendo hian Sony a lehpel tawh.

A hmaa Nintendo-in a tluk loh ṭhin zinga lian chu Sony a ni a, mahse tunah chuan gaming world-ah Nintendo-in nasa taka hma a sawn avangin a lehpel ta. Nintendo market capitalisation hi yen trillion 4.36 (tluklehdingawn 1000 leh trillion khat a intluk) a nih laiin Sony hi yen tluklehdingawn 300 a ni. Thawh-
ṭanni zing chauha a hlutna san chhoh dan pawh a nasa. July 6, Nilaini aiin za zela 11 ngawtin a ṭhang tawh a ni.

Pokemon Go siamtu Nintendo chauh hian he game hi a hlawkpui lo a, ei tur lam siamtu lian McDonald pawhina hlawhkpui nasa hle. Japan bikah chuan McDonald hian Happy meal siamin, ei turte chu Pikachu leh Pokemon-a character dangte pian hmang angin an siam a, hei vang ringawt hian an sum lakluh hi 23% ngawtin a san phah a ni.

Pokemon Go avang hian stock market lamah chuan nasa takin Nintendo stock a san phah mai bakah, McDonald-in hetianga ei tur lama ṭan an lo lak bawk avang hian McDonald share pawh a san phah nasa hle.

Pokemon Go hi US, Australia, New Zealand-ah te an tlangzarh hmasa ber a, tunah hian ram dang sawm chuangah an tichhuak tawh bawk a, mahse Japan, a siam chhuaktu ber ramah erawh tihchhuah a la ni lo. Tih≠chhuah a la nih loh chhan hi Nintendo lam chuan engmah an sawi lo a, Forbes chanchinbu chuan Japan server-in a zo dawn loa an hriat avangin an la ti≠chhuak lo niin a tarlang thung.