Michael Angelo-a'n Aizawl a zút dawn!!

Khawvela Guitar thiam hmingthang shredder ropui ber tia an chhal Michael Angelo Batio chu Music Inn chuan Aizawlah clinic leh concert nei turin a chah lut a. Nimin ni 20 July, 2016 hian Aizawl a lo thleng a, Organiser ten Lengpui-ah an zuk hmuak a ni.

Ni 21 July, 2016 11am - 2pm hian Hotel Regency-ah clinic a nei dawn a, zan dar 7 ah Vanapa Hall ah live concert a nei bawk ang. Mizo Musician lar Ztpa, Lawma, Boomarang leh Reverse Tragedy te pawh an che dawn a, Michael Angelo nen pawh an play ho bawk dawn a ni.

He concert hi Mamit a pa eisual avanga a chhungten an thihsan tak Miriami tanpui nana buatsaih a ni.
Organiser te chuan hetiang khawvel pum huap a lar leh guitar thiam em em hi Aizawl a kan lo hmu ve thei hi lawmawm a ti hle a, Mizote'n rimawi lama hmasawn na kan neih ngei a beisei a ni.