Marilyn Monroe sam an zuar dawn

Marilyn Monroe

Kum 1926 June 1 khan Los Angeles-ah a piang

Kum 1962 khan kum 36 mi chauh niin a thi a, a la dam ta se June thla khan kum 90 a tling chiah ang.

A hming dik tak chu Noma Jeane Mortenson a ni

'Diamonds are a girl's best friend' tih hla sa mah se lunghlu tak hi chu a ngaina vak miah lo a, a pasal pahnihnain a pek kha a neih chu a ni deuh mai

Plastic surgery a ti ve tih a thih hnuah hriat chhuah a ni a, a khabe leh a hnar a siam ṭha a ni awm e

Actress lar a ni nachungin an film channaah kal loh mai mai a ching hle. 'Let's make love' an chan laia a kal loh tawp tawp ṭhin avangin ni 28 laiin an chan hun tur ni an pawhsei bakah USD mtd 1 zet an sen belh!

Khawvela sam man to ber a nih theih a rinawm. Sam hi an lo lialm fo tawh a, mahse Marilyn Monroe sam an lilam erawh a dang≠lam dawn; sam zai pahnih chauh an lilam dawn a, USD 6,000 zet chu lei chhuak thei turah an inngai.

Marilyn Monroe sam hi a ṭhian nu, Frieda Hull chuan Monroe sam enkawltu hnen aṭanga a neih a ni a, Monroe phalna thlapa a kawl a ni.

Monroe sam hi Julien's Auction chuan Los Angeles-ah an lilam dawn a, hetah hian Monroe sam mai bakah a kawr dum, Some Like It Hot-a a hakte leh a thawmhnaw dangte pawh lilam a ni ang a, a hun tur hi November 19 leh 20 khian a ni dawn a ni.

Sam an hralh tawh ngaihtuah aṭangin Monroe sam pawh hi a man a to hle turah ngaih a ni. David Bowie-a sam an hralh tawh a, USD 18,750 lai an hmu a, John Lennon-a sam tlem te an hralhah USD 35,000 an hmu tawh bawk. Mahse kum 2010 khan Elvis Presley-a sam an lo hralh tawh a, mahse an beisei a pha lo hle thung.