Lok Sabha-in NEET bill pass

Medical leh dental course zir tumte tana ram puma common exam buatsaih a nih theihna tur bill pawimawh pahnih, The Indian Medical Council (Amendment) Bill, 2016 leh The Dentists (Amendment) Bill, 2016 chu Thawhlehni khan Lok Sabha-ah pass a ni.

Sorkar laipui chuan common examination hi academic session thar aṭangin hman ṭan a tum a, he bill hian private college-te pawh a huam tel vek dawn a ni.

Bill hi pass a nih hmain House-ah hian sawiho a ni a, bill pharhtu Health Minsiter JP Nadda chuan Supreme Court-in thutlukna a siam tawh avangin he bill hi thil pawimawh tak a nih thu leh, ram pumah medical leh dental entrance exam ang khata kalpuina tur a nih thu a sawi. Vawi eng emaw zat entrance exam hmachhawn ngai tihtawpna tur te, felfai leh langtlang zawka kalpui theihna a ni, a ti.