Swift vs West family

Tunlaia titi lian pakhat chu Taylor Swift leh Kanye West te chhungkua inchhaih leh inbei vel chungchang hi a ni. Tunhnai khan Kanye West-a'n Taylor Swift-i a phuahna hla chu Kim Kardashian-i'n Snapchat lamah a tichhuak a, hei hi Swift chuan sawiselin, a remtihna tel lo a ni tih a sawi a, a lawm vak lo.

Kanye West-a hla hi amah Kanye leh Taylor Swift te inbiakna aṭanga phuah chhuah a ni a, hetah hian Kanye hian Swift hi 'Bitch' tiin a ko nghe nghe. Hemi chungchangah hian mi tam tak chuan Swift hnenah hian West hi court-a khing turin an ngen a, ama remtihna tel miah loa a hlaa a chhe zawng lehnghala a sawi hi an vuipui a ni. Mahse hetiang case lo awm tawh ngaihtuahin Swift hian court lamah a kalpui a rinawm loh.

Kum 2013 khan Pitbull leh Lindsay Lohan chungchang ngaihtuah a lo ni tawh a, Pitbull hian a hlaah Lindsay chungchang a lo sawi a ni awm e. Mahse court chuan Pitbull-a tana
ṭha tur zawnga thutlukna a siam avangin Swift leh West inkarah pawh hetiang zawng bawk hian thu a tluk leh a rinawm.