The Voice aṭangin Jessie J a bâng

Australia-a The Voice-ah Jessie J chu nikum aṭanga judge-a a awm hnuah a nihna a bansan. A hmain Bri≠tain-a The Voice-ah te judge-ah a lo ṭang tawh ṭhin bawk.

Jessie J hian The Voice a chhuahsanna chhan a sawi a, music lam buaipui ve leh tawh a tum. Jessie J hian small screen lama lan chhunzawm a tum tawh rih lo a, tunah chuan music album theihtawpa buatsaih phawt a duh a, chumi hnu lamahte chuan judge emaw mentor emaw velahte chuan a la ṭang leh mah na.

Price Tag singer chuan, "Season li ngawt ka ti tawh - UK-ah season hnih leh Sydney-ah season hnih ka awm tawh a, tunah erawh chuan album dang buaipui leh a ngai tawh a ni," a ti. The Voice Australia chu theihtawpin a pui tih a sawi a, hunawl, chawlh hahdamna hun pawh a nei tlem hle tih a sawi bawk. Jessie J hian kum 2011 khan Who Are You album a tichhuak a, kum 2013 khan Alive album a tichhuak leh a ni.