Fifa 17 cover-a chuang tur an puang

Gaming khawvela nghahhlelh ber pawl, Fifa 17 tihchhuah a hnai leh tawh a, he game main cover-a chuang tur player pawh an puang chhuak ta. A chuang tur hi Reus a ni.

EA Sports video game Fifa 17 main cover atan hian James Rodriguez te, Eden Hazard te, Anthony Martial te, Reus te hi chhawpchhuah an ni a, heng zingah hian Borussia Dortmund player Marco Reus hi thlan a ni ta a ni. Cover thlalak tura duhthlannaah hian vote maktaduai 3.1 zet a tla.

Reus chuan, "FIFA cover-a lang tawh futbol thiam ropui tak tak zinga ka tel ve tur hi a ropui hlein ka hria. Fan-tena min thlan avang hian ka lawm tak zet zet a, phu lo pawh kan inti hle," a ti.

Fifa 17 hi North America-ah chuan September 27-ah tlangzarh a ni ang a, khawvel ram dangah chuan September 29-ah tihchhuah a ni thung ang.