Pokemon movie

Cartoon character-ah naupang zingah a hlawhtling hle tawh a, tunah mobile game hmangin khawvel a chiah leh hnuah Pokemon chu movie siam tura hmalak tum a ni.

Legendary Pictures chuan Pokemon siamtu Japan company te inremsiamna an nei fel tawh a, Pokemon hi movie-in an duh hun hunah an siam thei tawh dawn a ni. He movie-ah hian Pokemon chhunga character hrang hrangte an hmang ang. Film-a siam tura a thawnthu ziak turin Max Landis an hmang dawn a, ani hian Power Rangers script pawh a lo buatsaih tawh bawk.

An tum dan leh ruahman dan chuan nakkum aṭanga chan ṭan turin ruahmanna an siam a, Japan ram pawna he movie tichhuak turin Universal Pictures nen Legendary hi an thawk ang. Legendary hian khawchhak, a bikin China leh Japan-ah te movie tam tak an lo siam tawh a ni.