Million Viewer Achiever Celebration & MZI Ruby Jubilee Celebration hun hmang

Mizo Zaimi Inzawm­khawm (MZI) chuan Zir­tawp­ni zan leh Inrinni zan liam ta khan MZI Library Million Viewer Achiever Cele­bration & MZI Ruby Jubilee Celebration hun an hmang.

Zitawpni zan khan Pa­thian fakna rimawi huang chhunga YouTube-a thlirtu maktaduai nei tling chinte chawimawina hun an hmang a; Laltei, Rimawi Huang chuan Red Carpet a host a, programme hi Baryl Vanneihsangi Tlau-in a host thung.

He hunah hian Art and Culture Minister R.Lalzir­liana, Patron MZI Gen Hqrs chu uaptu a ni a,  David Z.Hmar, President MZI leh uaptu leh Er. Lalduhkima, State Co-ordinator WSSO-te pawhin thu an sawi

bawk.

Inrinni zanah khan Leng­zem huang chhunga YouTube-a tlirtu maktaduai nei tlingte hnenah chawi­mawina an hlan bawk a, he hun hi Micky Chhangte chuan host thungin Tourism Minister Robert Romawia Royte, Sr Adviser MZI Gen Hqrs. chu uaptu  a ni. Lalengmawia, Vice President MZI Gen. Hqtr. chuan lawmna thuchah sawiin  Er. HC Lalnunzira, Director WSSO chuan thu a sawi ve leh bawk a ni.

YouTube-ah Mizo zaiin hlut a hlawh chho zel a; MDM chuan kum 2019 September  leh 2020 February khan an zaithiam YouTube-a million view nei chinte chawimawina hun an lo hmang tawh bawk.

-    Vanlalsailova

-    TBC Zaithanpuia

-    Joseph Zaihmingthanga

-    PBK Liankhuma

-    Andrew Laltlankima

-    Lallawmawma

-    Zoramchhani

-    H.Lalmuankimi

-    Lalduhsaki

-    Melody Lalzirliani

-    Zoremi Ralte & Tetea

-    Boyz of God

-    Lawmkimi Ralte