Zorinsanga hla thar 'A hmangaihna aw'

Zorinsanga Sailo chuan hla thar 'A hmangaihna aw' a tichhuak dawn a, zanin hian Zonet lamah thlira ngaithlak theiha tihchhuah a tum. 'A hmangaihna aw' hi Paul Lalremsanga, Luangmual Veng­thlang phuah a ni a, video chu Chiangtea Videography kut chhuak niin, music chu Lal K Sailo a ni thung a, Kings and Prophets lamah recording a ti thung a ni.

Zorina hian nikum khan Krismas hla pakhat a tichhuak a, kuminah hla tihchhuah a la nei lo bawk. 'Min hual reng ṭhin' thiam taka satu hla thar hi a nalh leh hle ang tih a rin theih a, hla thar a tichhuak khat bawka Zorina zai ngainatute chuan zaninah Zonet lamah lo chan mai chi a ni ang. YouTube lamah pawh a dah thuai a rinawm bawk.

'A hmangaihna aw' hla hi mihring nuna vanduaina leh harasatna thleng ṭhinte hi Pathian min kohna leh min hmangaih vanga thleng zawk a lo nih zia tarlanna a ni a, mihring nuna thil hrang hrang thleng ṭhin chungchang chu chang hrang hrangah tarlan niin engkimah hian Pathian hmangaihnaa lawm mai tur kan nihzia tarlanna hla ṭha tak a ni a; kan lungngaihna ṭhin tam tak chu he khawvel thil vang zawk a lo ni tih tarlanna hla a ni.