Feli Fanai A hmun ngaiah

Hontrade International Ṭhazual Lengzemah Feli Fanai chuan 'Ti ve mai la' hmangin pakhatna a la luah. Heti hian a zawnin ṭum hnih pakhatnaah a awm ta a ni.

Ṭhazual Awards sem tura Samsung 3:16 Plan Solution Best Female Artist Lengzema nominnee Feli Fanai hian pakhatna a rawn luah leh a, a zawnin vawi hnih pakhatnaah a awm thei ta. 'Ti ve mai la' hi Anggu-a phuah a ni a, Anggu hian a hla phuahte, lengzem leh fakna hlate album pakhatah khungkhawm turin hma a la mek a ni. 'Ti ve mai la' tih pawh hi Anggu's Collection-a hla awm tur zinga mi a ni.

He hla hi Feli hian a buatsaihna a rei tawh hle a, a peih fel ṭep tawh tihin a put ru a, a thar hlakin an siam ṭha leh a ni. A hmain Thangbawiha'n a music a siam a, tuna mi hi Lal K. Sailo chuan a music a siam thung.

Feli chuan, "Hla phuahtu leh neitu Anggu a fakawm a, kawng engkimah min pui a ni mai lo a, aman hma a hruai a, keiman ka zui ve a ni chauh zawk. Video shooting kan neihnaah te pawh, amah mai bakah model-a kan hman mipa hian nasa takin min pui a, anni zarah kan puitlin a ni," a ti. Wardrobe hi Achhani Innovative Dresses a ni a, a chungah Feli a lawm hle.

Pakhatna pawh lo luah tawh, C. Sanga leh Daduhi te hla 'A zual zel si' chu pahnihnaah bawk a awm leh a, ṭum thum lai pakhatna luah tawh Sangtei Khawlhring ft. stAge hla 'Beiseina' chu pathumna aṭangin palinaah a chhuk a, a hmaa palina, Josephine Lalawmpuii hla 'I lo ni reng si' chu pathumnaah a rawn kai thung.

Top 10 aṭangin Janet hla 'Ka hmangaih che' chu a tawlh chhuak a, pakhatna pawh lo luah tawh Thangromawia hla thar 'Chhing mitin' tih chu pakuanaah a rawn chuang chhuak thung.

Hontrade International Ṭhazual 10

1 Feli Fanai - Ti ve mai la

2 C.Sanga & Daduhi - A zual zel si

3 Josephine Lalawmpuii - I lo ni reng si

4 stAge ft Sangteii Khawlhring - Beiseina

5 Lawmkimi Chawnghlut - Lenglerh

6 Dj Lalvenhimi - Ṭhian rinawm

7 F Zomuanpuia - Min hnem la

8 Manuna - Ka lo tir tawh lawng

9 Thangromawia - Chhing mitin

10 Lancy & Omomi - Hlimlaini