Star Trek hlawhtling, hlawhtling lo!

Kar tawp North America box office hrang hrang≠≠a ticket hralh chhuah aṭanga sum lalut hnem ber chu Star Trek thar ber, an reboot, Star Trek Beyond a ni. Box office-a pakhatna a hauh ngaihtuah hian a hlawhtling hle a, mahse a hlawhtling si lo!

A hlawhtling a, a hlawhtlin lohna chhan chu Star Trek reboot series ho zingah sum lalut tlem ber a nihna hi a ni. Star Trek hian kar tawp chhung khan North America-ah USD mtd 59.6 zet a thawk chhuak. Tuna mi hi Star Trek siam thar leh zinga a pathumna a ni.

Kum 2009-a an tihchhuah, Star Trek khan USD mtd 75.2 a lalut a, kum 2013-a tihchhuah, Star Trek Into Darkness chuan USD mtd 70.2 a thawk chhuak. Star Trek hi kum 1979 aṭang khan chhuak ṭanin, film 13 lai tihchhuah a ni a, a hunlai chuan James Bond film nen an inel tawk hle ṭhin.

Kar hmasaa pakhatna, The Secret Life of Pets chu pakhatnaa vawi hnih a awm hnuah tunah pahnihnaah a chhuk a, a hmaa pahnihna, Ghostbusters (2016) chu USD mtd 21.6 lalutin pathumnaah a chhuk.

Kar tawp khan movie thar pahnih tihchhuah a ni a, pakhat phei hi chuan beisei a pha lo a, a hmaa mite a tluk lo hle. Ice Age: Collision Course hian Ice Age chhuak hmasate a tluk lo hle. Box office-ah hian sum lakluh tamah pangana chauh a ni a, kar tawp chhung khan USD mtd 21 a lalut. Lights Out chu palinaah a awm.

Box office movie-te

"Star Trek Beyond" - $59.6 million

"The Secret Life of Pets" - $29.3 million

"Ghostbusters (2016)" - $21.6 million

"Lights Out" - $21.6 million

"Ice Age: Collision Course" - $21 million

"Finding Dory" - $7.2 million

"The Legend of Tarzan" - $6.4 million

"Mike and Dave Need Wedding Dates" - $4.4 million

"Hillary's America: The Secret History of the Democratic Party" - $3.7 million

"The Infiltrator" - $3.3 million