'Views' an la thlir rawn zel

Drake-a album 'Views' chu a la hlawhtling tluang zel a, chawlhkar sawm pakhat chhung pakhatnaah a awm ta. Kar tawp chhung khan copy 89,000 an la hralh.

Views hi kar hmasa hmasa leh khan pakhatna a ni zo lo a, tunah chuan pakhatnaah a rawn kir leh. A zawn ni loin chawlh≠kar 11 chhung pakhatnaah a awm ta. Taylor Swift-i album, 1989 hnua chawlhkar sawm leh pakhat chhung Billboard 200-a pakhatnaa awm thei album hmasa ber a ni. Drake-a tluk loh lian ta ber chu Frozen (2013) soundtrack kha a ni a, chawlhkar 13 chhung pakhatna he album hian a luah.

Drake hian mixtape a buatsaih leh mek bawk. Inrinni zan khan Summer Sixteen tour-ah KansasCity-ah concert a nei a, hemi hnu hian a mixtape buaipuiin he hmunah hian a ch‚m zui rih a ni.

Pahnihna luahtu hi Kristian band hlawhtling, Needtobreathe album 'H A R D L O V E' a ni. Needtobreathe hi a hma pawhin an lo hlawhtling tawh ṭhin a, he album an tihchhuah hma chiaha album an tihchhuah pawh Billboard 200 chart top 10-ah a lang pha tawh a ni. An album hi kar liam ta chhung khan copy 46,000 an hralh.

Billboard 200

"Views" - Drake (89,000)

"H A R D L O V E" - Needtobreathe (46,000)

"Blurryface" - Twenty One Pilots (36,000)

"Anti" - Rihanna (34,000)

The "Hamilton" Soundtrack - Various Artists (32,000)

"Epic AF" - Various Artists (31,000)

"25" - Adele (31,000)

"Lemonade" - Beyonce Knowles (30,000)

"Kidz Bop 32" - Various Artists (29,000)

"Blank Face LP" - ScHoolBoy Q (28,000)