Billboard Hot 100 Drake-a aiin Sia a sang zawk

Billboard Hot 100 (single) chart-ah Drake aiin Sia a chungnung zawk. Sia hla 'Cheap Thrills' chuan he chart-a pakhatna hi a luah a ni.

Drake-a hla 'One Dance' hlawhtlinna kaltluang lai chu Sia 'Cheap Thrills' hian a rawn titawp a, pakhatna a rawn luah. He hla hi Sean Paul nena an sak a ni a, an pahnih atan hian Billboard Hot 100-a pakhatna luah thei hla an neih hmasak ber ve ve a ni.

'Cheap Thrills' hi Sia aw anpui, Rihanna-i'n Anti album-a dah a tum kha a ni a, mahse a duh leh lo a, Sia hian a sa a, a hlawhtlinpui ta hle; Rihanna hian a ui viau mai thei.

Heti hian Sia hi mi tlem te tih theih a ti ve thei ta. Kum 40 ral kai tawh hnua Billboard single chart-a pakhatna luah thei hmeichhe pathum zingah a tel ve ta a ni. A hmain Madonna leh Cher te chuan kum 40 an tlin hnuah Billboard Hot 100-a pakhatna luah thei hla an lo nei tawh a ni.