Khawvel mihringte kan sân belh zel

Imperial College London-a scientist-te chuan khawvel hmun hrang hranga data an lak khawm aṭangin, kum 1914-a mihring s‚n dan chawhrual aṭanga kum 2014-a mihring san lam lakkhawm, an zirchian hnuah tunhnai khan an zirchianna hi an tichhuak a, hetah hian khawvel puma mihringte kan s‚ng tawh zawk tih a lang.

Mihring san dan chawhrual≠in khawvel pumah Netherlands-a mipate an sang ber a, hmeichhe san dan chawhrualah chuan Latvia hmeichhiate an sang ber. Netherlands mipa san zawng chawhrual hi ft. 5 leh inchi 11 a ni a, centimetre chuan 182.5 a ni a, Latvia hmei≠chhiate san zawng hi ft. 5 inchi 6 a ni a, cm chuan 169.8 a ni.

Mihring san zawng hi kum 1914-a record nena khaikhin chuan tunah hian khawvel pumah mi kan sang tawh zawk. Kum 1914-a hmeichhia leh mipaa sang ber hnam chu Sweden mipuite an ni a, tunah chuan top 10-ah an lang pha tawh lo.

Tawi leh hniam lamah chuan East Timor leh Guatemala an hniam. Mipaah, khawvela mipaah East Timor mipate an tawi ber a, chawhrualin ft. 5 inchi 2 chauh an ni; heti chung hian kum za kalta aiin inchi 2 ngawtin an sang tawh zawk. Hmeichhiaah chuan Guatemala hmeichhiate an hniam ber a, ft 4 inchi 10 chauh an ni.

Iran mipate leh South Korean hmeichhiate hi kum za chhunga sang chak ber an ni. Iranian mi≠pate hi kum za kalta aiin tunah hian inchi 6.5 zetin an sang tawh zawk a, South Korean hmeichhiate hi inchi 8 deuh thawin an san belh tawh bawk. Chinese hmeichhia leh mipate hi kum za chhungin inchi li ve ve (mipa 11cm leh hmeichhia 10 cm)-in an san belh a, Japan mipui aiin an sang tawh zawk. US bik hi kum 1914 khan US mipate hi khawvela mipa sang ber pathumna an ni a, an hmeichhiate hi palina an ni ṭhin. Tunah chuan an mipate hi san lamah 37-na an ni a, hmei≠chhiate chu 42-na daih an ni tawh.

Sub-Saharan Africa an tiha ram ṭhenkhat - Sierra Leone, Uganda leh Rwanda-ah chuan mipui s‚n lam hi kum 40 kalta aiin a hniam tawh zawk a, a hniam zawngin an ṭhang a ni. South Asia ram an tih, India leh Bangladesh mipui san lam chawhrual hi East Asia ram -China, Korea leh Japan te aiin a hniam zawk a, a hniamna hi inchi 2 aṭanga inchi nga thlengte a ni.