Zaithiam leh rimawi tumtute tan zan pawimawh Zaninah Ṭhazual Awards

Zaithiam leh rimawi tumtute tan zan chhinchhiah tlak tur, music lama Mizote inchawimawina lian, Ṭhazual Awards chu zanin hian sem a ni tawh dawn a,
zaithiam leh rimawi tumtute chu kal vek tura beisei leh ngen an ni.

Ṭhazual Awards hi zanin dar 8:00 hian Chanmari YMA Hall-ah sem a ni dawn a, zaithiam zai tur leh l‚m thiam l‚m tur an ṭha a, award show a hmuh≠nawm≠in a ngaihnawm leh dawn. Kumin Ṭhazual Awards-ah hian category pariat a awm a, category tinah nominee panga zel an awm. Tun hi vawi hnih semna tur a ni a, nikuma awm lo, Duo/Group a awm thar a, hetah hian mi pahnih aia tam emawa zai leh, band te pawh a leng a ni.

Manuna, Zothana, Feli Fanai, Lawmi Khiangte, Bethsy, Pensy leh Temi Sailo te ca≠tegory pahnihah ṭheuh an lang. Ṭhazual Awards-ah hian Ṭhazual chart-a pakhatna an luah ngun leh ngun lohin hlawkna a thlen phah dawn lo a, Ṭhazual Chart hi mipuiin an thlan a ni a, Ṭhazual Awards dawngtu tur erawh music lam hriate thlan a ni thung.

Awards semna show-ah hian Mizorama l‚m zirna kan neih changtlung, Mizo Dance Camp aṭangin l‚m hmuhnawm tak a awm ang a, hei bakah hian tunlaia zaithiam lar tak takte an zai hlawm ang. Zai turte Stacy, Judith, Mawitei, Andrew, Ruatfeli (Triau Trackx), Thangromawia Thawmte leh BZI te an zai dawn a ni. Host tur hi Zonuni Fanai a ni ang.

Category tina winner-te hian Rs. 10,000 an dawng ṭheuh ang a, hei bakah hian trophy pek an ni vek bawk ang.