Mi nazawng neih phak loh phone

iPhone te, Samsung phone te hi mi nazawng tan lei a har kan ti a, mahse hengte hi chu a man a lo la tam vak lo hle. Man to tak tak, rangkachak leh lunghlu nena cheibawl phone a lo lawm nual mai.

Tag Heuer hi sana man to siam ṭhin kha an ni a, an sana siamte pawh a to a, mi hausa leh eng emaw chin tan lo chuan lei mai mai chi a ni lo. Kum 2011 khan Tag Heuer Link phone an tichhuak a, a hunlaia phone ṭha, Android 2.2 ngat kha a ni a, a man pawh a to, tun thlengin a man lamah chuan ephone man to berte zinga mi a la ni reng a, Rs. 420,000 man zet a ni.

Blackberry hi a hunlai kha chuan a hmangtu nih kha intih≠theihna tham a tling ve ṭhin. BB7 OS hmang, Blackberry Porche ngat phei kha chuan lei mai mai theih tura tlawm a ni tlat lo. Rs. 139,990 man a ni a, a to tehreng nen, a hmangtuten chuti takin an fak lem lo!

Vertu Contsellation hi a spec lamah chuan han chhuan tur ropui tak a nei lem lo nain, he phone siam nana an hmanraw hmante erawh a turu hle. Sapphire hmanga chei mawi, bawngpa tuai vun nena tuam a ni a, a hmai hi inchi 4.3-a hlai niin, HD display a ni bawk. A camera a ṭha viau a, a to viau a, a hmangtute pawhin an fak viau. Rs. 416,000 man a ni.

Fashion lamah Dior kan hria a, smartphone lamah erawh kan hre vak lo ang. An phone tihchhuah, Dior Reverie erawh khawvela phone man to ber a ni ngei ang, a man reng pawh Rs. 7,800,000 zet a ni hem mai. Rangkachak var (white gold) carat 18 zet nena chei a ni a, lunghlu 1539 zet bel a nih bakah pearl ṭha mi 46 zet an thiat bawk. Tonino Lamborghini Antares tih hian car man to turah i ngai mai thei a, mahse phone man to a ni daih thung. Lamborghini siam a ni a, Rs. 250,000 man a ni.