2024 BET Hip-Hop Awards: Megan Thee Stallion in nomination 12 a hmu

2024 BET Hip-Hop Awards nomination puan a ni ta a, Meghan Thee Stallion chuan nomination hmu hnem berin category 17 siam zingah 12-ah nominee a ni.

Nomination hmu tam zual dangte chu 11 hmutu Kendrick Lamar leh pariat hmu tu Drake te an ni. Cardi B, GloRilla, Metro Boomin, leh Nicki Minaj te chuan nods pasarih ṭheuh hmuin, Future leh Travis Scott chuan paruk an hmu ve bawk. 21 Savage leh 41 in nomination pali; A$AP Rocky, Common, Lil Wayne, Pete Rock, leh Sexyy Red ten nomination pathum ṭheuh an hmu bawk a ni.

October 8, 2024-a sem tur, 2024 BET Hip-Hop Awards hi Fat Joe chuan a zawna a vawi thumna turin a host leh dawn a, co-producer a ni nghal bawk. Kuminah hian he award hi a vawi khatna atan Las Vegas, Nevada-ah sem a ni ang.

Hip-hop artist of the year atana nominate te hi hmeichhe pali -Megan, Cardi B, GloRilla leh Nicki Minaj bakah mipa pali - 21 Savage, Drake, Future leh Kendrick Lamar te an ni. Kum 2020-a he category siam a nih aṭang khan Drake chauh hi kumtin nominee zinga la lang thei awmchhun a ni.

Hip-hop album of the year nomination-ah 21 Savage, GloRilla, Drake, Sexyy Red, Megan Thee Stallion, Gunna, Nikci Minaj leh Travis Scott te album an lang bawk.