Hindi film sum la lut tam ber 'Stree 2'

Indian production house, Madock Films Pvt Ltd film, horror-comedy 'Stree 2' chu India rama Hindi film zinga sum la lut tam ber niin Shah Rukh Khan channa, 'Jawan' a khum.

August 15-a tlangzarh, Stree 2 hian India ram bikah Rs vbc 586 chuang a la lut tawh a ni. Cinema-ah pek chhunzawm a la nih avangin a sum lak luh pawh hi a la pun chhoh hle rin a ni bawk. Hetih lai hian record lo siamtu, nikum September thlaa tih chhuah SRK channa, Jawan hian India-ah Rs vbc 582.31 a la lut a ni. 2018 film, Stree chhunzawmna Stree 2-ah hian Rajkummar Rao, Shraddha Kapoor, Pankaj Tripathi, Abhishek Banerjee leh Aparshakti Khurana te an chang a, Amar Kaushik chu director a ni.