Chester Bennington-a nuin Linkin Park reunion sawisel

Chester Bennington nu, Sudan Euband chuan Linkin Park reunion neih leh, a fapa thlak tura vocalist thar Emily Armstrong an lak chungchangah band chu sawiselin, an phatsan nia a ngaih thu a sawi ve leh. Hemi hma hian Bennington fapa Draven pawhin band reunion hi a lo sawisel ve tawh bawk.

Eubanks chuan kum 2017, July thlaa Bennington a thih hnuah, band member dangte chuan an band an intuaithar leh dawn a nih pawhin, thutlukna an siam fel hmain an hriattir ve zel tur thu an lo hrilh tih a sawi. Mahse Amstrong lak an tum chungchangah engmah an hriattir ve lo tih a sawi a, band member-ten September 5-a livestream concert an neihnaa an puan khan Bennington nupui hmasa, Samantha Marie Olit leh a fapa Draven te pawhin an hre ve chauh tih a sawi bawk. Linkin Park member-te chuan Bennington sulhnute chu nuaibo an tum nia a ngaih thu a sawi a, mahse a fapa tluk chu an awm dawn lo a ni, a ti.