Cristiano Ronaldo pualin CR7 coin ti chhuak dawn

Portugal sorkar chuan an ram infiammi ropui, Cristiano Ronaldo chawimawna atan a lem chuanna pawisa thir, '€7' limited edition coin a ti chhuak dawn.

Coin-ah hian Ronaldo hmel tilangin, a ding lamah 'CR7' tih ziah lan a ni bawk. Tih chhuah a nih hunah Portugal ram pumah currency a pawm a ni ang. He coin hlut zawng hi Euro 7 ni mah se, limited edition a nih avangin coin pakhat hlut zawng USD 150,000 hu thleng pawh a ni thei dawn niin expert-te chuan an sawi. Pacific Precious Metals neitu, Dan Barrett chuan Critiano Ronaldo chu khawvela infiammi hriat hlawh ber zinga mi a ni a, hei vang hian CR7 Euro coin chu collector bakah fan lamin an ngaihven dawn hle a ni, a ti.