Victoria Beckham documentary series buaipui mek

Netflix-a fashion designer, Victoria Beckham documentary series tih chhuah tur chu buaipui mek a ni a, he documentary-ah hian fashion leh beauty business lam chungchang thlurbing a ni ang.

Kum 50 mi, Victoria Beckham hi British girl group, Spice Girls aṭanga khawvel hriat hlawh chho ni mah se, pasal a neih hnuah fashion business lamah kalin a hlawhtling chho hle a ni. A documentary-ah pawh hian fashion brand lar leh hlawhtling tak a din chhoh dan chungchang te, a hnathawh dan hrang hrangte tarlan a ni ang. A pasal, David Beckham docuseries, 'BECKHAM' a lar leh hlawhtlin hnu khan Netflix chuan Victoria hi a documentary siam tur hian inremna an siampui ve leh a ni. He documentary-ah hian a hnathawh dan chanchin bakah, an chhungkaw chanchinte pawh tarlan a ni dawn a, a chhungte leh ṭhianṭhate pawh an inlan tel dawn bawk. Victoria leh David Beckham te hi kum 1999-ah inneiin, Victoria hian kum 2007 khan a fashion line hmasa ber, denim collection a ti chhuak a, hemi kum vek hian cosmetics line v-Sculpt a siam zui bawk. Kum 2008-ah ama label siamin, 2019-ah Victoria Beckham Beauty a siam leh a ni.