Box Office: "Beetlejuice Beetlejuice" a chungnung zel

Dark fantasy comedy horror, "Beetlejuice Beetlejuice" chu North American box office-ah a la chungnung zel a, film thar "Transformers One" pawhin No 1 dinhmun aṭangin a nek chhuak zo lo.

Original cast member - Winona Ryder, Catherine O'Hara leh Michael Keaton te inlanna, Beetlejuice sequel hian a kar thumnaah USD mtd 26 a lak luh belh leh a, hemi nen hian North America-ah USD mtd 226 hmu chhuak tawhin, khawvel huapa a sum lak luh hi USD mtd 329 a tling tawh a ni.

"Transformers One" hian tlangzarh karah USD mtd 25 la lutin, beisei a pha chiah lo a, USD mtd 30-35 vel la lut thei turin an lo chhut a ni. He animated prequel-a aw thawhtu zingah hian Chris Hemsworth, Brian Tyree Henry leh Scarlett Johansson te pawh an tel. Boruak nei lian viau mah se "Beetlejuice Beetlejuice" erawh a ngam ta lo.

"Speak No Evil" chuan a kar hnihnaah USD mtd 5.9 hmuh belhin No 3-ah a awm a, Halle Berry channa thriller "Never Let Go" pawh a che ṭha tawk lo a, tlangzarh karah USD 4.5 chiah a la lut thei. Film thar dang, Demi Moore channa, horror satire 'The Substance' pawhin USD mtd 3.1 chiah la lutin Top 5 a lang pha lo. Hetih lai hian "Deadpool & Wolverine" chu Top 5-ah a lang chhunzawm zel thung a, USD mtd 3.9 a lak luh belh leh a ni.