BLACKPINK choreography video-in view tld 1.7 nei tling

YG Entertainment a BLACKPINK ‘How You Like That’ choreography video chuan an ram huna nimin zing dar 2 khan YouTube-ah view tld 1.7 a nei tling tih a puang a, hei hi K-pop choreography video zinga view ngah ber niin kum 2020,July 6-a an tih chhuah kha a ni.

YG chuan BLACKPINK hian full-group comeback neiin, nakkumah world tour an nei dawn tih a puang bawk. BLACKPINK hian YouTube-a K-pop chanchina mellung pawimawh tak an siam fo a, ‘How You Like That’ bakah hian view tld 1.7 chuang nei video pathum ‘DDU-DU DDU-DU’ (2.2 billion views), ‘Kill This Love’ (2 billion views), leh ‘Boombayah’ (1.7 billion views) an nei tawh bawk. View mtd 100 nei video 47 an nei a, an official YouTube channel hian subscriber mtd 94.8 neiin khawvel huapa artist zinga subscriber ngah ber an ni a, an content hrang hrang view neih zat hi tld 36.7 a tling tawh bawk.