Johny Depp hnenah lifetime achievement award hlan dawn

Hollywood superstar, Johny Depp chu Rome Film Festival-ah Lifetime Achievement Award hlan a ni dawn. He festival-ah hian a film thar ber, 'Modi:Three Days on the Wing of Madness' chu chhuah a ni bawk ang. He film hi Italian artist Amedeo Modigliani biopic a ni a, Depp hian a direct a ni.

Rome Film Festival vawi 19-na hi October 16-27 hian neih a ni dawn a, he hunah hian Viggo Mortensen leh Francis Ford Coppola te chu chawimawina pek an ni bawk ang. Depp hian 'Pirates of the Caribbean', 'Alice in Wonderland' leh 'Charlie and the Chocolate Factory' film aṭangte in hriat a hlawh zual a, kum 1997 khan directing lamah kalin, a film direct hmasa ber 'Brave' a ti chhuak.