"Wuthering Heights" ah Margot Robbie leh Jacob Elordi

'Barbie' actress Margot Robbie leh 'Euphoria' actor Jacob Elordi-te chu Emily Bronte novel, "Wuthering Heights" film thar siam turah an chang dawn. He film hi "Saltburn" leh "Promising Young Woman" director, Emerald Fennell in a direct dawn a ni.

Robbie production company, LuckyChap leh MRC in an produce dawn a, nakkum kumtir lam hian UK-ah shooting hi an ṭan ang. "Wuthering Heights" hi a hma pawhin film-a siam a lo ni fo tawh a, a changtute zingah hian Laurence Olivier, Ralph Fiennes leh Kaya Scodelario an tel a ni. Mahse tun ṭumah hian Fennell in a direct dawn avang leh, a changtu turte pawh Hollywood-a star langsar pahnih ni mekte an nih avangin ngaihven a hlawh thar hle.