Chappel Roan a neutral vangin sawisel tawk

US President thlanna neih turah an ram mi larte an ṭan zawng tan an ṭawng chhuak nasa hle a, hetih lai hian singer/songwriter Chappel Roan chuan candidate pahnih, Kamala Harris leh Donald Trump teah a tu mah mah a thlawp zawngin a ṭawng chhuak duh lo a, hei vang hian Harris thlawptu lam aṭangin sawisel a tawh phah.

Roan chuan an ram politics boruak chuan a ti hah a, kawng hrang hrangah sorkar kal danah duh tawk lohna a nei tih a sawi a, mahse candidate ṭan lam nei zawngin a ṭawng chhuak duh lo thung. A fan-te hnenah erawh ṭawngkamin an mi vote tur chungchang chu uluk taka ngaihtuah a, vote thlak ngei tur erawh chuan a chah thung. Kamala Harris hian a campaign video-ah Roan hla, "Femininomenon" a hmansak tawh a, hei vang hian fan-te pawhin Harris tan hian a ṭawng chhuah an beisei a ni. Mahse politics kaihhnawih thilah a inhnamhnawih duh lo niin a lang.