Paisley leh Lambert chawimawi zanah Luke Bryan-an an ngaihhlut ber a hawn

Pathianni zan khan Academy of Country Music Awards sem a ni a, hemi zan hian Brad Paisley leh Miranda Lambert te chuan Guinness World Records-a an lan chawimawina an dawng a, Luke Bryan chuan ACM Awards-a an ngaihhlut ber a hawn.

Brad Paisley hi ACM Male Vocalist of the Year a zawna la rei thei ber a ni a, kum nga chhung, kum 2006 aṭanga 2010 chhung khan he award hi a dawng a, hei vang hian Guinness World Records-ah a lang a ni. Miranda Lambert hi hmeichhe zinga chungnung niin, Female Vocalist of the Year chu kum 2010 aṭang khan tuma chuhpui theih lohin a la la thei a ni. Kuminah pawh Female Vocalist hi Lambert hian a la leh.

ACM Awards-a an ngaihhlut ber chu Entertainer of the Year a ni a, he award hi Luke Bryan chuan a hawn. Jason Aldean chu Male Vocalist of the Year-a thlan a ni a, Song of the Year-ah Miranda Lambert hla Automatic chu thlan a ni bawk.