Mary Kom film-in chawimawina a dawng

Manipur boxer hlawhtling Mary Kom chanchin behchhana siam, Mary Kom film chu tunhnai khan Sweden-a Stockholm International Film Festival Junior-ah film ṭha bera thlan a ni. Priyanka Chopra channa Mary Kom film hi Bollywood box office-ah a hlawhtling hle a nih kha. Sweden-a Stockholm International Film Festival Junior-ah pawh hian a che ṭha hle a, Best Film-a thlan a nih mai bakah hian Bronze Horse award hlan a ni. He film festival-ah hian jury-ah kum 9 aṭanga kum 17 inkarte an awm.