Furious 7 a la vul

Hapta thum chhuah a ni ta a, chuti chung pawhin Furious 7 a la vul zel. Hapta thumnaah pawh North American box office-a sum lalut hnem ber a la ni. Kar tawp chhung khan Furious 7 hian dollar mtd 29.1 a lakluh belh leh a, hengte nen hian North America aṭanga sum a hmuh tawh zawng zawng hi dollar mtd 294.4 a tling tawh a ni.

Furious 7 hian tunah hian khaw­vel pum aṭangin dollar tlukleh­ding­awn 1.2 a lalut tawh a, movie zinga sum lalut hnem ber pasarihna a rawn ni phak ta. Chu mai bakah dollar tld 1 hmuchhuak rang ber a ni bawk. Universal Pictures tihchhuah movie zinga theatre aṭang ngau ngaua dollar tld hmuchhuak hmasa ber a ni bawk. Jurassic Park khan, kum 2013-a 3D an tihchhuah leh hnu khan tlukleh­dingawn a hmu tling chauh a ni.

Pahnihnaah Paul Blart: Mall Cop 2 a awm a, he movie hian kar tawp chhung khan dollar mtd24 a hmu tling. He film hi Kevin James channa a ni a, comedy lam a ni.

Box office top 10

"Furious 7" - $mtd29.1

"Paul Blart: Mall Cop 2" - $mtd24

"Unfriended" - $mtd16

"Home (2015)" - $mtd10.3

"The Longest Ride" - $mtd6.9

"Get Hard" - $mtd4.8

"Monkey Kingdom" - $mtd4.7

"Woman in Gold" - $mtd4.6

"The Divergent Series: Insurgent" - $mtd4.2

"Cinderella" - $mtd3.9