Norah Fatehi leh Nigerian singer CKay thawk dun dawn

Bollywood actress leh dancing queen, Norah Fatehi chuan hla thar a tih chhuah turah Nigerian singer, CKay a thawhpui dawn tih a puang.

Nora Fatehi hian a Instagram-ah CKay nena an thawhdun tur thu hi tarlangin, fan-te pawhin an ngaihven nghal hle. An hla thar hi kar leh lamah tih chhuah an tum. ‘Dilbar,’ ‘Garmi,’ ‘Saki Saki,’ leh ‘Manike,’ a dance performance pui tak vangin Fatehi hian hriat a hlawh zual a, Indian entertainment industry-a hming langsar zingah a tel a ni. Tun hnaia 'Crakk' leh 'Madgaon Express' film-a a inlan hnuah, crime drama 'Matka' ah a chang leh dawn bawk a ni. Zai lamah pawh a che ṭha chho hle a, FIFA anthem 'Light The Sky' a sak khan khawvel huapin hriat a hlawh tir a, a hit track 'Dirty Little Secret' chuan Spotify-ah stream mtd 33 chuang a nei tawh bawk.