Ariana leh Big Sean an inṭhen

Thla riat zet an in­ngaih­zawn hnuah Ariana Grande leh Big Sean te chu an inṭhen niin media ten an tarlang. Us chanchinbu chuan, "An la inngaihven tho a, an la inṭhian hle tho," tiin a tarlang a, an mimal nun ngaih pawimawhsak a, media te tibuai nasa lo tura an ngen thu a tarlang bawk.

Blog lar Perez Hilton-a tarlan a nih dan chuan, Ariana Grande leh Big Sean te inṭhenna chhan ber chu an hun neih dan avang a ni a, zaia zin chhuahna tur an ngah dun em em a, chuvang chuan an inhmangaihna pawh a dai zo a ni. Tour-na tur chi hrang hrang an ngah dun si a, inhmuha inrîmna hun pawh an nei thei lo a ni.

Nikum nipui lai khan music an siam dun a, chuta ṭang chuan Ariana Grande leh Big Sean te hi an inngai­zawng ṭan. Nikum August thlaa MTV Video Music Awards-ah khan hmuh dun an ni a, khawvelin a sawi duh hle. Hemi hnu hian an inngai­zawng tih an puang chhuak ta a ni.