Telegram-in user ṭha lo phone no leh IP address pek zel tum

Messaging service, Telegram chuan an service hmangtu zingah an platform hmangsual leh an zahawmna tibawrhbang zawnga che ṭhinte chu an phone number leh IP address chu thuneitute an pe zel dawn tih a tarlang.

Telegram founder, Pavel Durov chuan thuneitu lamin an ngenna avanga hetianga ti hi an ni tih a sawi. Ahma chuan Telegram hian an user zingah court-in firfiaka chetna kaihhnawiha inhnamhnawih nia a sawi chiante chauh phone number leh IP address hi a pe chhuak ṭhin. Mahse an policy tharah chuan Telegram rules bawhchhiate nihna chu thuneitute lam hriattir zel an ni tawh dawn a ni. Rules thar hian an platform kaltlanga dan phal loh thil zuarte a thlurbing deuh bik a ni. Durov chuan, "Telegram hi ṭhiante inzawnchhuaha inkawmna tur te, chanchin thar kan hriatna tur a ni a, dan phal loh thil zawrh chhuahna hmun tur a ni lo," a ti. An platform a him zawkna turin tun hnaiah moderator-te chuan artificial intelligence pawh an hmang niin a sawi bawk.