'Vogue Japan' & 'GQ Japan' Dec cover-ah BTS Jin

Fashion magazine, 'Vogue Japan' leh 'GQ Japan' chuan BTS member Jin chu December edition-a cover star-ah an hmang dawn tih an puang ve ve a, thla khata magazine langsar pahnih cover star-a mi pakhat an hman ṭum khatna a ni ang.

'Vogue Japan' December issue-ah hian cover special edition pahnih awmin, 'GQ Japan' issue erawh exclusive cover edition pakhat a ni thung ang. Heng magazine pahnihte hi November thla tir lam aṭangin pre-order theih a ni dawn a ni. BTS member, Suga chu Vogue Japan hian August, 2023 edition-ah cover star ah lo hmang tawhin, kum 24 chhunga cover star-a mipa an hman hmasak ber a ni.