Online game lar

Electronic sports huang chhung chu ni chiah lo mah se, tunlai Zorama game ngaihven hlawh a ni a, Android leh iOS hmanghoin an khelh nasat avangin Clash of Clans chungchang tarlang thung teh ang.

Clash of Clans hi Massively Multiplayer Online Game an tih zinga mi a ni a, kum 2012 aṭanga siam ṭan kha a ni a, Supercell-in an published, Supercell hi Helsinki, Finland-a video game company lian tak an ni. Kum 2012 August thla khan iOS (Apple phone-ho)-a khelh theih turin an tichhuak a, September 2013 aṭang khan Android hmangte tan a khelh theih ṭan. Hemi October thla aṭang khan Google Play-ah dah chhuah a ni ta a ni.

A lar zual a, a lar lehzualna pakhatna chu kumina Super Bowl XLIX aṭang khan a ni. Hemi ṭum hian Clash of Clans commvercial, fakna tih chhuah a ni a, actor lar Liam Neeson hma a ni nghe nghe. Hemi ṭuma an fakna hi Super Bowl XLIX-a fakna zawng zawng zinga entu ngah ber a ni a, a hnuah YouTube hmangtute chuan Super Bowl ad zinga ṭha ber dawttuah an thlang hial a ni.

Clash of Clans vang hian Supercell hian sum an lalut hnem hle. App Store-ah Supercell hian game chi hnih chiah an dah chhuak ve a, chu chu Clash of Clans leh Hey Day a ni. Heng pahnihtena an sum lakluh tawh zawng zawng chu dollar mtd 279 zet a ni. Nitina a sum hmuh chhuah hi dollar mtd 2.4 ni ziah anga chhut a ni. Kum 2013 khan App Store leh Google Play-a game zinga sum lalut hnem ber pathumna a ni bawk.

Ni tin he game hi mi engzatin nge khel a hriat hleih theih loh a, a tarchhuahna a awm lo. Mi tam takin a dik teuh bera an ngaih chu ni tin mi maktaduai 20 chuan an khel ngei ngei tih hi a ni.

CoC version hi update fo a ni a, tunah hian version 7 hman mek a ni; version 7-ah hian thil thar langsar tham lutuk a awm lo. Version 7 hi kumin February aṭanga hman ṭan kha a ni a, Canon level 13 pack vel hi a langsar a ni deuh mai a, damage a nasa lehzual. Nikum Decmber-a an version tih thar, Version 6-ah khan thil thar a tam. Home Village leh War Base layout tam lehzual awm theihna turin siam a ni a, hemi layout hi copy theiha siam a ni bawk. War Base layout kha Home Village-ah awlsam takin a copy theih tawh a ni. Town Hall 8-ah Gold Mines leh Elixir Collector-te level 12 thleng a up theih a, Town Hall 10-ah Giant level 7 a theih bawk.