The Voice-ah pahnih an kiam leh

Stefani, CeeLo Green leh Usher te an lang leh dawn

US-a TV show zinga mite ngaihhlut ber, The Voice pawhin a hmawrtawp lam a hnaih tial tial a, an inthlifim ṭha zel. Tunah pahnih an tla leh a, an tlem ta hle.
Thawhlehni zana intihsiakah Team Adam-a mi Joshua Davis leh Deanna Johnson leh, Team Christina Aguilera-a mi Rob Taylor te bottom 3-ah an awm a, Christina hi a team-a mi Rob-a bottom 3-a a awm hi mak a ti hle.
Adam Levine-a nau, Joshua Davis a vannei a, Rob leh Deanna te an tla ta thung. Blake Shelton-a nau Corey Kent, Meghan Linsey leh Hannah Kirby, Christina nau India Carney leh Kimberly Nichole, Team Pharrell Williams-a mi White Koryn Hawthorne leh Sawyer Fredericks te an tling a, Joshua Davis chauh hi Adam Levine-a naute zinga awm chhun a ni tawh.
Intihsiakna neih a nih mek lai hian Gwen Stefani, Usher leh Cee Lo Green te chu kar leha The Voice intihsiakna turah an rawn kir leh dawn. Heng mi, kum hmasaa jusge lo ni tawh ṭhinte hian endik hna an pui leh dawn a ni.