2024 People's Choice Country Awards : People’s Artist of 2024-ah Morgan Wallen

2024 People's Choice Country Awards chu September 26, Ningani zan khan Nashville-a Grand Ole Opry House-ah sem a ni a, Morgan Wallen chuan award pali dawngin a dawng hnem ber, a zawna a kum hnihna turin People's Artist-ah thlan a ni leh bawk.

Morgan Wallen hian One Night at a Time tour a neih hmangin kum hnihna atan Concert Tour award a dawn bakah, Post Malone nena an sak dun, 'I Had Some Help' chu Song of 2024 atan thlan a ni a, Social Country Star of 2024 a dawng bawk a ni.

Beyonce Knowles chu nomination hmu hnem zingah tel mah se award a dawng lo. Tun hnaiah country genre lamah a rawn lut thar a, country awards show lam hian country music lamah lo tal tam leh hnuhma nei ngah tawhte an la thlang zawk zel rih niin a lang. Winner te hi fan-ten an thlan vek niin, hei vang hian he show pawh hi “an award show for the people and by the people.” tiin an sawi ṭhin.

Luke Combs chuan award pathum a dawng a, Shaboozey leh MGK ten pahnih ve ve an dawng ve bawk.

Show hi Shania Twain in a host a, Miranda Lambert hnenah country icon award leh, Kane Brown hnenah country champion award hlan an ni a, hemi zan hian an perform ve ve bawk. Awards show-a perform dangte chu - Keith Urban, Kelsea Ballerini, Lady A, Parker McCollum, The War and Treaty, Brad Paisley leh mgk te an ni.