Soundside Music Festival aṭangin Foo Fighters inhnukdawk

Soundside Music Festival-a headline tura ruat, Foo Fighters chu festival neih hma ni hnih, September 26 khan an inhnukdawk.

An band official instagram account-ah hemi chungchang hi dahin, Soundside Music Festival-ah an inlan dawn lo tih an sawi a, an inhnuhdawh chhan erawh an sawilang lo. Mahse tun hnai maiah an frontman, Dave Grohl chuan a mimal instragram account-ah a nupui, Jordyn Blum nen an innei chungin mi dang lakah fa a neih thu a puang a, hemi nghawng zelah an perform tur pawh hi an ṭhulh phah nia rin a ni. Soundside Music Festival hi September 28 - 29 hian Bridgeport, Connecticut-ah neih a ni dawn , a zan khatnaah hian Noah Kahan chu a headline dawn a ni. Foo Fighters ten chawpchilh taka an ṭhulh leh tak avangin Jack White leh Greta Van Fleet te chu co-headliner atan an ruat a ni.