Coldplay in Taylor Swift Wembley record khum dawn

British rock band, Coldplay chuan nakkuma tour an neih turah London-a Wembley Stadium ah zan 10 show neih an tum a, Taylor Swift leh Take That in he stadium-a kum khat chhunga show nei ngun ber record an siam mek chu an rawn khum dawn.

Coldplay hian a tira an programme siamah chuan Wembley-ah hian nakkum August thlaah zan ruk show neih an tum a, mahse Ningania ticket pre-sale an neihah ticket chang lo an tam avangin nakkum September thla hian zan li concert an neih belh leh dawn a ni. 2025 tour hi an band album 10-na, 'Moon Music' promote na pualin an nei dawn a, he album hi October 4 ah an ti chhuak ang. Wembley-a zan 10 show an neih dawn bakah, British band hian Hull-a Craven Park Stadium-ah zan hnih concert an nei dawn bawk a, heng zan 12-a concert an neihna ticket man aṭanga 10% hi UK-a concert hall te zawkte tihchangtlun hna thawktu, Music Venue Trust hnenah an hlan dawn a ni.