Robert Downey a titau chhuak!

Nilaini khan Channel 4 chuan Robert Downey Jr., Iron Man lema chang chu an kawm a, hetah hian a mimal chanchin zawhna an zawh avangin Robert hi a lungawi lo a, interview-na aṭang hian a titau chhuak. Avengers: Age of Ultron chungchangah Channel 4-a mi, Krishnan Guru-Murthy chuan a kawm a ni.

Krishnan hian a hun hmasa, jail-a a tan chan­chin, a addict lai vel a zawt a, chhân nuam a ti khawp mai. A hnuah, "I hun kal tawh chungchang ka zawhna chhan che chu interview dang i hma­chhawn tawhah i pa nena in inlaichinna...i sawi tawh a. Mak ka tih chu heng zawng zawng aṭang hian i fihlim tawh a nih chuan emaw, a nih loh leh i tan eng emaw..." a tih mek laiin, Downey hian an inbiakna hi a ti tawp a, microphone a dah a, a kal chhuak tau ta daih a ni.