Sandra Bullock Khawvela hmeichhe nalh ber

Khawvel huapa chanchinbu lar ber pawl, People chanchinbu chu actress, Sandra Bullock chu khawvela hmeichhe chhe lo, nalh ber, 'Most Beautiful Woman'-ah a thlang.

People chanchinbu hian hmeichhe 193 zet aṭangin nalh ber hi a thlang chhuak a ni. People chanchinbu hian kumtin hmeichhe nalh hi a thlang chhuak a, hei hi milar rualte chuan achievement ropui takah an ngai a, an ngai hlu hle a, intihtheihna tham a ni a, an chanchin an ziahnaah pawh an ziak lang ṭhin. Most Beautiful Woman list-ah hian Ariana Grande, Shay Mitchell, Gabrielle Union te pawh an lang.

Sandra Bullock a inngaitlawm hle a, "Tumah pawh ka hrilh lem lo" tiin a sawi. Kum 50 mi actress hian nalh leh chhiat loh hi tum leh beih chiama hlawh chhuah chi nia a ngaih loh thu a sawi. "Mawina, nalhna tak tak hi chu ṭawng tam loh hi niin ka hria. A bikin hetiang khua angah phei chuan engmah sawi loa ngawih chuh hi a har em em a ni," a ti.

"Nalh tum hian a nalh tak tak theih loh zawk niin ka ngai. Khawvela nalh ber ber, chhe lo ber ber ka hmuh tawhte hi chutiang nih tuma bei an ni ngai lo a ni," a ti.