Oscars 2025 host atan Ryan Reynolds leh Hugh Jackman sawi ri

Blockbuster film "Deadpool & Wolverine" changtute, Hugh Jackman leh Ryan Reynolds-te chu 97th annual Academy Awards awm tura host tura sawi rik an ni.

Hugh leh Ryan-te hian an promote tura press tour an neih aṭangin an inkawp fuh a, hetiang hian Oscars host tura duh ber zingah an tel a ni. "Deadpool & Wolverine" hi an chetṭhatpui hle a, movie chhuak tawh zinga sum la lut tam 20 zingah a tel pha ṭep tawh a ni. Oscar host tur chungchangah actor pahnihte hian sawi engmah la nei lo mah se, organiser lam chuan tunlai Hollywood-a thawm nei lian pahnihte sum ṭhahnem tak pek pawh an inhuam nia tarlan a ni. Hugh hian kum nga liam ta khan show hi a lo host tawh a ni. Oscars 2025 hi March 2, 2025-ah neih a ni ang.