McCartney a hausa ber

The Beatles original member, Sir Paul Mc­Cart­ney chu Sunday Times-in hausa list a tihchhuahah a hming a hmasa berah a chuang.

Sunday Times hian UK-a music aṭanga mil­lion­­aire mi 40 a tar chhuah zing­ah a hausa ber a, Lord Lloyd Webber te, U2, Mick Jagger leh Elton John te ai pawhin a hausa zawk.

McCartney hi a hausa hle a, tunah hian a nupui, Nancy Shevell nena an hausakna zawng zawng £mtd730 (dollar tld 1.1) zet a tling a ni. Ani hi a chung tarlante khian an dawt. Lang thar zinga langsar chu DJ Calvin Harris hi a ni a, top 30-ah a hming a lang a, a hausakna chu £mtd70 a ni. Hausa top 10-ah hian Michael Flatley, Ringo Starr, Keith Richards, Sting leh Roger Waters te an tel.

Young musician zingah chuan Adele, kum 26 mi hi a hausa ber a, £mtd50 vel a nei. One Direction member palite sum neih zawng zawng belhkhawm hi £mtd100 lai a ni a, nikum aiin £mtd11-in a pung. Zayn Malik bik hian £mtd25 a nei.

Hausa ber dawttu, young musician-ah chuan Arctic Monkeys chu pahnihna niin, Mumford and Sons chu pathumna an ni. Young Musician Rich list-a lang tharah Sam Smith a langsar. Kum 22 Sam Smith hian £mtd12 lai a nei a ni.