MSL Dance Battle Final Myn’X leh Nerds of War

MSL halftime Dance battle final-ah Zarkawt Serpents Home crew Myn’X leh Khatla TBL Home crew Nerds of War te an intum dawn. Final zan hian a hmaa dance off format ni tawh lovin, Dance battle tak tak an rawn hmachhawn dawn a ni. Heng crew final-a lutte pahnih bakah hian Basketball match-a final inkhel tur club te aiawhin Khatla TBL Away crew Lay Up leh Zarkawt BCA Home crew Emerge ten special performance an nei dawn bawk. MSL Dance Battle chhunga an thiam avanga crew ding chhuak palite an ni hrim hrim a, final zan hi en a chakawm tawh hle.

Zarkawt Serpents: Myn’X

Myn’X hi mipa hlang crew, member 6 an ni a, kum 2013 Teachers' Day khan St. Paul’s Higher Secondary School zirlai rualina an din ṭan a ni. An member-te chu Ramchhana, B. Hruaia, Sangzela, Kimkima, Ruatdika leh Lalremsiama te an ni. An din tirh hian hmeichhe member pawh neiin, MSL atan hian mipa rual angin an rawn tel. Anni hi Hip Hop All Styles crew niin, an performance energetic leh nung tak avanga rawn hlawhtling ṭhin an ni. Idea ṭha tak tak an nei ṭhin a, an battle-ah hian props hrang hrang an rawn hmang ṭhin.

Khatla TBL: Nerds Of War

Nerds Of War te hi member 4, mipa pahnih leh hmeichhe pahnih an ni. MSL crew zinga partner-a inkawpkim awm chhun an ni. An ni hi lam thiam tak tak, Mizo Dance Camp atranga in hria a, he MSL Dance Battle atana in din an ni. An member te chu Angela Khuma, Naom Chhangte, Jammy leh Immanuel te an ni a. Anni hi dance styles hrang hrang an rawn kawp kim hle a, Hip Hop, Jazz, Contemporary, Afro leh Ballroom te hmangin, MSL dance crews zingah chuan versatile ber an ni. A hmain lam ho ṭhin ni lo mah se an size rual khai tak leh taksa fit tak avanga hmuhnawm tak an ni.

Myn’X leh Nerds of War te hi an Basketball Club aṭang pawha support ṭhat ber an ni. Club ṭhenkhat ten an dance crew te an hriat fum fe loh laiin, anni pahnih hian an performance atana a ṭulte an club hruaituten buaipuiin, Fans lam pawn an lam apiang hian an cheer ṭha thei hle.

Kar hmasa Dance Battle Result

Ningani zana Tuikual South leh Zarkawt BCA inkhelah, TKS Home Crew BGMX leh BCA Away crew Anonymous Sings te an lam. Heng crew pahnih te an inhneh tawk hle. Anonymous Signs hian trick har tak tak an telh a, mahse choreography leh execution-ah an pha ta lo a ni. BGMX hian anmahni originality leh concept ṭha tak nen an rawn lam chhuak leh a, an energy level hniam deuh mah se, an team work ṭha tak te chu an rawn chakpui a ni.

Zirtawpni tlaia Khatla TBL leh Zarkawt Serpents inkhelah TBL Home Crew Myn’X leh Serpents Away crew Monadikos an inhmachhawn. Serpents hi Match bakah dance battle-ah pawh an chak. TBL Nerds of War hian, Tribal dance te leh style dang te rawn mix kualin partnering har tak tak an rawn telh leh. Monadikos hian an tum tur te hautakzia hriain performance ṭha tak an rawn pe a, difficulty-ah chuan sang viau lo mah se an choreo neih an execute ṭha hle.

Zirtawpni zana Chaltlang Ryders leh Missiong Veng Vikings inkhelah Ryders Home Crew Sharp Kats leh Vikings Away Crew Dance & Beatz te a tawp nan an inhmachhawn. Hmeichhe hlang ve vean ni a, an lam dan style te pawh inanna an nei nual. Dance & Beats an chak ta a ni.