Casting Crowns hla 'You Are The Only One'

Mark Hall a cancer a, ṭhat lam a pan mek a, Casting Crowns pawhin thawm an nei lian tial tial. Tunhnai khan Facebook-a an page-ah Casting Crowns hian an hla 'You Are The Only One' hla an siamna chhan ni ngei tur an tarlang.

Facebook page-ah hian Ephesi 2:4-9 thu kha an tarlang (Pathian khawngaihna nasat avanga Krista ruala tihnuna kan awm thu tarlanna). He hla, 'You Are The Only One' hi Casting Crowns album thar ber, Thrive-a mi kha a ni.

Casting Crowns te chuan he hla hi Pathian felna leh hmangaihna hla, a mite chhandam tura a hmangaihna hla a ni tih an sawi. Sualna avangin mite chuan Pathian kalsanin, nun chhe berah awm mah se, Pathian chuan a mite a kalsan ngai lo. Amah chauh chu kawng leh amah chauh chu khawvelin dâwt hmanga min bumna aṭanga min chhanchhuaktu leh thei awm chhun a nih thute an sawi chhuak bawk.

Thrive album hi nikum January thlaa an tihchhuah kha a ni. Billboard Christian Chart-ah pakhatna a hauh a, Billboard 200-ah parukna a hauh pha bawk.