Khiangte Construction Ṭhazual GOSPEL : Pakhatnaah 'Ni tla ngai lo Zion khawpui'

Khiangte Construction Ṭhazual Gospel chart tharah Mizo Idol intihsiakna aṭanga Mizo mipuite hriat hlawh, Thawhlehnaniropuia chuan 'Ni tla ngailo Zion khawpui' tih chu pakhatna a rawn nihpui.

Mizoten vanram ngaih hla kan neih zinga sak hlawh ber zinga mi, 'Ni tla ngailo Zion khawpui' hi Rev Lienrum phuah a ni a, lusun khawhar tam takte lunglen hnemtu hla ṭha leh mawi tak a ni. Puipuia hian thiam leh lungrun tak maiin a rawn sa a, ngaithlatute mittui pawh a ko chhuak fo ngei ang. A music video hi kumina Cyclone Remal tuartu, nunna chan tate leh an kalsan tak an chhungte tan a hlan a ni. Audio hi HC Recording-ah tiin, music hi Kima Chhangte siam a ni a, July 27,2024 khan music video hi YouTube-ah a dah chhuak a ni.

Ṭhazual Gospel chart tharah Mizo gospel band kan neih ṭhat, One In Christ chu an hla thar, 'I Pathian tawk turin inpeih rawh' hmangin pahnihnaah an rawn lang a, he hla hi Pastor Benjamin Lalrinmawia phuah a ni. Pathumnaah Hlimhlimi 'Grep hrui tak' awmin, Angaihtei & Mama Hlonchhing 'Ka chawl ta' chu palinaah a lang a, Cindy Lalthanpuii chuan 'Ka nghakhlel' tiin top 5 a rawn khar.

Electric Veng KṬP leh Dinsangi ft To Coda te pawh Top 10-ah an lang chhunzawm zel a, hetih laiin chart-a rawn lang thar - Sepraphic Choir, VesperVuite leh Teruati Tochhawng te an awm ve bawk.