BTS star Suga USD $11,500 chawi tir

K-pop boy band, BTS member Suga chu zu in chunga electric scooter a khalh avangin won mtd 15 (USD 11,500) chawitir a ni ta.

He thil hi August thlaa thleng daih tawh kha a ni a, police officer chuan Suga hi Seoul-a a chenna in bula scooter aṭanga a tla a buapuinaah zu a rui tih a hrechuak a ni. A blood alcohol level test sakin, danin a phal chin 0.08% chu pellin 0.227% a tling. A license pawh lak sak niin, August thla vek khan Suga hian thupha chawina pawh a lo ti chhuak tawh bawk. Kar liam ta Zirtawpni khan Seoul-a district court chuan won mtd 15 chawi tur hian a ti ta a ni.