Coldplay-in album 2 siam hnuah tawp an tum

British rock band, Coldplay frontman Chris Martin chuan album pangngai pahnih an tih chhuah leh hnuah an band chu tawp an tum tih a sawi.

Chris Martin chuan 'less is more' tiin album tam tak siam belh an tum tawh loh thu a sawi a, quality control leh hmasawnna nghet neih chu a pawimawh tih a sawi. Album siam belh tur zat bithliah siam mah se, project dang erawh an la neih theih mai thu a sawi thung. Tun ṭum band tawp hun tur Martin hian a vawi khat sawilanna a ni lo a, kum 2021 khan album 12 an neih hunah Coldplay chu a tawp a rin thu pawh a lo sawi tawh a ni. An studio album 10-na, 'Moon Music' chu October 4 hian tih chhuah an tum a, he album track list te pawh an lo sawi lang tawh a ni.