Ṭhazual Awards 2016 sem a ni ta

Nizan khan Ṭhazual Awards 2016 chu Chanmari YMA Hall-ah sem a ni ta a, kalkhawm an ṭhahnem hle.

Ṭhazual Awards vawi hnihnaah hian mimala che ṭha fal emaw, award trophy hawn hnem bik pakhat chiah a awm a, chu chu Bethsy Lalrinsangi a ni. 'Min hmangaih si a' hla hmangin Mizo Tea Best Female Artist a dawng a, Pensy leh Temi Sailo te nena an pathuma an sak 'Mamawh chhanna Lal Isua' chu MD&D Enterprise Best Duo/ Group-a ṭha bera thlan a ni bawk. He hla hi category thar Best Duo/ Group dawng hmasa ber a ni.

Awards show-ah hian tunlaia zaithiam lar ber ber Stacy, Judith, Mawitei, Andrew, Ruatfeli (Triau Trackx), Thangromawia Thawmte leh BZI te an zai a, a ngaihnawmin a hmuhnawm hle. Mizo Dance Camp aṭangin l‚m hmuhnawm tak an entir bawk. Mizo Dance Camp hi Mizorama mumal taka l‚m zirna awm chhun a ni a, l‚ma intihsiaknaah te vawi tam tak an lo tel tawh a, hlawhtlinna pawh an lo chang nual tawh a ni.

Awards dawngtu zingah TBC Zaithanpui, C. Sanga leh DJ Lalvenhimi ten nikuma an dawn ngai chiah an dawng leh a, an huang chhungah chuan anni pathum aia ropui an awm thei rih lo a ni ber. TBCA'n nikuma a hlawhtlinpui hla chu 'Fak zel che ka duh' kha a ni a, C. Sanga hian 'LT a mak ka ti' hla hmangin Best Male Artist a lo dawng tawh a, DJ Lalvenhimi'n 'Liam mai rawh' hla hmangin nikum khan Best Female Artist Lengzem a dawng bawk.

Nikuma award dawng lo leh kumina rawn lang thar, award vawi khat dawnna hi an awm nual. Bethsy, Vanlalpari, Josephine Lalawmpuii, Temi Sailo leh Lawmi Khiangte te an ni. Ṭhazual Awards dawngtute hian Rs. 10,000 leh trophy an dawng tel vek a ni.

Ṭhazual Awards Winner List

Hontrade International Best Male Artist Gospel

TBC Zaithanpuia

IC Big Bazar Best Male Artist Lengzem

C. Sanga

Samsung 3:16 Plan Solution Best Female Artist Lengzem

DJ Lalvenhimi

Mizo Tea Best Female Artist Gospel

Bethsy Lalrinsangi

Vogue Best New Artist Gospel

Vanlalpari

LH Thanga Enterprise Best New Artist Lengzem

Josephine Lalawmpuii

MD&D Enterprise Best Duo/Group

Bethsy, Pensy, Temi Sailo

Kelvi International Best Music Video

Lawmi Khiangte - 'Kan hlim lai'